FSB tarafından yaqalanğan «Tsentr jurnalistskih rassledovaniy» mühbiri Natalya Kоkorinağa adliyeci Cemil Temişevni kirsetmediler.
Qırım.Aqiqat mühbiri aytqanı kibi, adliyeci endi 40 daqqadır Aqmescitte Franko soqağı, 13 adresi boyunca yerleşken FSB İdaresiniñ binasında buluna.
Mında mühbirniñ tuvğanlarnı, soy-sopları, matbuat vastalarınıñ temsilcileri de kelgenler.
Evel Natalya Kokorina zenaatdaşlarına bildirgeni kibi, saba saat sekizlerde oña telefon etip, ana-babası yaşağan dairge kelmege çağırdılar (özü olardan ayrı yaşay).
Dairege kelgeninden soñ, onıñ ile bağ ğayıp oldı.
Cuma künü, mart 13-de, FSB (Federal havfsızlıq hızmeti) hadimleri Qırımnıñ statusı aqqında «refederndumdan» soñ Qırımdan Kiyevge köçip kelgen Qırım jurnalisti Anna Andriyevskaya ana-babasınıñ dairesinde tintüv keçirdiler.
