Link açıqlığı

Saatnıñ esas haberi

Qırımda tintüvden soñ «Tsentr jurnalistskih rassledovaniy» mühbirini yaqaladılar


Mart 13 künü sabası dairesinde FSB (Federal havfsızlıq hızmeti) hadimleri tarafından tintüv keçirilgen «Tsentr jurnalistskih rassledovaniy» mühbiri Natalya Kоkorinanı yaqaladılar.

Bunı Qırım.Aqiqat mühbirine Kоkorina ile çalışqan zenatdaşları bildirdi.

Bundan evel, «Tsentr jurnalistskih rassledovaniy» malümatına köre, FSB hadimleri dairege adliyeci Cemil Temişevni kirsetmediler.

«FSB hadimleri adliyeci olğanımnı teşkermek içün qapunı bile açmadılar. Böyleliknen, RF Cinaiy-protsessual kodeksiniñ 182 madde 11 qısmı talapları bozulğanı aqta ayta bilemiz – «Tintüv sebepleri ve nizamı». Şu cümleden: «Tintüv vaqtında odada şahısnıñ imayesi ve adliyecisi buluna bile». Şunıñ içün şimdi taqiqat areketlerine rastkelgen vatandaşnıñ aqlarınıñ bozulmasını köremiz», – dey Temişev.

Olğan malümatqa köre, jurnalistni FSB idaresine alıp kettiler.

Evel Natalya Kokorina zenaatdaşlarına bildirgeni kibi, saba saat sekizlerde oña telefon etip, ana-babası yaşağan dairge kelmege çağırdılar (özü olardan ayrı yaşay).

Dairege kelgeninden soñ, onıñ ile bağ ğayıp oldı.

Cuma künü, mart 13-de, FSB (Federal havfsızlıq hızmeti) hadimleri Qırımnıñ statusı aqqında «refederndumdan» soñ Qırımdan Kiyevge köçip kelgen Qırım jurnalisti Anna Andriyevskaya ana-babasınıñ dairesinde tintüv keçirdiler.

XS
SM
MD
LG