Link açıqlığı

Ukraina istilâcığa qarşı ciddiy bir uquq frontunı açıp, işğal etilgen Qırımda vatandaşlarınıñ aq-uquqlarını qorumaq kerek, dep ayttı «Batkivşçına» firqasınıñ Qırım teşkilâtınıñ yolbaşçısı Andriy Sençenko Tsentr jurnalistskih rassledovaniy neşirine.

Onıñ qayd etkenine köre, şimdilik qırımlılar Ukrainanıñ bunıñ kibi yardımını is etmeyler.

«Ukraina işğal etilgen Qırımdaki vatandaşlarınıñ menfaatları, vatandaş aqqları, mal-mülk aqqlarını qorumaq kerek. Lâkin aman-aman iç bir şey yapılmay, tatar faallerini apiske alsalar da», – dedi Sençenko.

O, qıtada meydanğa ketirilgen Qırım prokuraturasını tenqit etip, onıñ işi semereli olmağanını qayd etti.

«Birisine iş tapqanlar. Dost, bilgenlerge. Bu strukturanıñ semereli olğanını aytıp olamayım», – dep qayd etti Sençenko.

«Bu adam (Qırım prokurorı – muar.) yapacağını yapsa edi, eñ azından Qırımda olıp keçkenlerini bilgen, şimdi ne olğanını bilgen siyasetçilerni mesleatlarğa çağırır edi. Özüni tanıtmaq içün. Böyle bir şey yoq», – dedi o.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG