Link açıqlığı

2015 senesi iyün 3-den «Red Wings» ava şirketi Barnaul-Aqmescit ava seferlerini açacaq ola.

Bu aqta «Titov adına Barnaul» ava limanınıñ saytında aytıla.

Malüm olğanı kibi, seferler aftada bir kere çarşenbe künü Tu-204 Rusiye uçağı vastası ile keçirilecek.

Biletlerni Altay diyarınıñ ava limanlarında ve ava şirketiniñ resmiy saytında satın almağa teklif eteler.

Evel Rusiye naqliyat nazirliginde 2015 senesi Qırımğa, şu cümleden «Aqmescit» ava limanına kelecek üç million turistni beklegenleri aqqında bildirgen ediler.

2014 senesi mart ayında, Rusiye Qırımnı işğal ekeninden soñ, Aeronavigatsiya havfsızlığı boyunca Avropa teşkilâtı (Avropa nezareti) Qırımğa, şu cümleden Aqmescit ve Aqyarğa, ava seferlerini yasaq etti. Avropa nezareti halqara grajdanlıq aviatsiyası aqqında ICAO Konventsiyasına esaslanıp, Ukrainanıñ er angi ava boşluğı üzerinde bir de bir aeronavigatsion hızmetiniñ Ukraina akimiyetine alâqası olmağan bir taraflı beyannamelerni tanımaycaq.

Qırımğa ava seferlerini şimdi yalıñız Rusiye şirketleri keçire, bazıları endi ğarbiy cezalarğa oğradı.

XS
SM
MD
LG