Link açıqlığı

2015 senesi Rusiye akimiyeti Qırımğa, şu cümleden «Aqmescit» ava limanına kelecek üç million turistni bekley. Bunı Rusiye naqliyat nazirliginiñ yolbaşçısı Maksim Sokolov bildirdi.

«Ava limanına bugün kelgen yolcularnıñ sayısı, bıltır olğanına köre, 4 qat arttı. Amma bu sene 2,6 mln insannı degil de, 3 milliondan ziyade insannı qarşılamaq içün yapılacaq çaralereni endi belgiledik», – denile matbuat hızmetiniñ beyanatında.

Rusiye naziriniñ aytqanı kibi, uçaq seferleri öyle de 30 şeerden keçirilecek. Bıltır, onıñ malümatına köre, Qırımğa 20 avaşirketi seferlerni keçire edi.

2014 senesi mart ayında, Rusiye Qırımnı işğal ekeninden soñ, Aeronavigatsiya havfsızlığı boyunca Avropa teşkilâtı (Avropa nezareti) Qırımğa, şu cümleden Aqmescit ve Aqyarğa, ava seferlerini yasaq etti. Avropa nezareti halqara grajdanlıq aviatsiyası aqqında ICAO Konventsiyasına esaslanıp, Ukrainanıñ er angi ava boşluğı üzerinde bir de bir aeronavigatsion hızmetiniñ Ukraina akimiyetine alâqası olmağan bir taraflı beyannamelerni tanımaycaq.

Qırımğa ava seferlerini şimdi yalıñız Rusiye şirketleri keçire, bazıları endi ğarbiy cezalarğa oğradı.

XS
SM
MD
LG