Ukraina akimiyeti Ruise tarafından işğal etilgen Qırımda kollabortsionistlerniñ qıdıruvı boyunca işke başlamaq içün bir yıl kerek oldı. Amma bu kibi areketlerniñ kerek olması aqqında bütün 2014 senesi devamında aytıla edi, – dep bildirdi Ukraina halq deputatı Andriy Sençenko salı künü fevral 24-de Radіo Svobodanıñ Qırım işğaliniñ yıllığına bağışlanğan «Serbestligiñiz» leyhasında.
«Ukraina akimiyetine bunı yapmaq kerek olğanını añlamaq içün bir yıl kerek oldı. Keçken sene yaz mevsimi devamında sabıq baş prokuror ve prezident memuriyetine uquqiy qıymet olmaq kerekligi aqqında nice sefer aytqan edim», – dedi Sençenko.
Onıñ sözlerine köre, söz yalıñız Rusiye akimiyeti tarafına keçken arbiy hızmetçiler aqqında ketmey.
«Qırımda işğalcilerge qarşı qullanılacaq qararlar olmalı, kollabortsionistlerge – işğalci akimiyetke hızmet etmege başlağan mahkemeci, prokurorlarğa, anttan vazgeçken arbiy hızmetçilerge, işğalci akimiyetiniñ qanunsız saylavlarında iştirak etkenlerge nisbeten uquqiy qıymet kesilmek kerek. Olar Ukraina qanunları boyunca cinayet ettiler ve olarnıñ areketlerine uquqiy qıymet berilmeli», – dep qayd etti halq deputatı.
Malüm olğanı kibi, Qırımnıñ işğali yıllığında Ukraina perizednti Petro Poroşenko ukrain devleti Rusiye tarafından işğal etilgen yarımada içün küreşmege devam etecegini bildirdi. Prezident künlerniñ birinlde ukrain devletine ve Qırımda insan aqlarına qarşı çıqqan er bir insan halqara ve ukrain mahkemeleri ögünle turacağından eminligini bildirdi.
