Link açıqlığı

Saatnıñ esas haberi

Ukrainada Kök Yüzü Qaramanlarını añalar


Fevral 20 künü Ukrainada Kök Yüzü Qaramanları Kününi qayd eteler. Maydan qurbanları hatırasına tedbirler memleketniñ çeşit şeerlerinde keçecek. Kiyevde Mustaqillik Meydanında da tedbirlerniñ ötkerilmesi planlaştırıla.

«Menlik inqilâbı iştirakçileriniñ qaramanlığınıñ añuvı ve Kök Yüzü Qaramanları hatırasınıñ ebediyleştirüvi aqqında» fermannı prezident Petro Poroşenko fevral 11 künü imzaladı.

Vesiqa er yıl fevral 20-ni Kök Yüzü Qaramanları Künü olaraq qayd etilmesini belgiley. Vesiqağa binaen, bunıñ maqsadı «Demokratiya, insan aqları ve serbestligi, Ukrainanıñ Avropa kelecegini qorup, Menlik inqilâbında (2013 senesi noyabr ayı – 2014 senesi fevral ayı) canını bergen vatandaşlarnıñ cesürligi, iradesi ve sebatını sayğı ile añmaqtır».

2014 senesi fevral ayında narazıcılarnıñ silâlı insanlar ile çatışması neicesinde Kiyev merkezinde yüzden ziyade insan elâk oldı, yüzlerce yaralandı, fevral 20 künü eñ kergin çatışma yüz berdi. İnsanlarnıñ çoqusı snayperlerniñ qollarından elâk oldı.

Neticede narazılıq numayışlarınıñ elâk olğan iştirakçilerine «Kök yüzü qaramanları» dep başladılar. Baş prokuraturanıñ malümatına köre, Yevromaydan devamında 2,5 biñ insan zarar kördi, 104 elâk oldı.

XS
SM
MD
LG