Link açıqlığı

Ahmetovnıñ şirketinde «Ukrtelekom» Aqmescit bölüginiñ zaptı aqqında bildireler


Aqmescitte gece silâlı insanlar «Ukrtelekom» ofisini zapt ettiler.

Bunı öz Facebook saifesinde Natalya Yemçenko – System Capital Management (SCM) şirketiniñ cemaatçılıq ile bağ ve kommunikatsiya boyunca müdiri bildirdi.

Onıñ sözlerine köre, «Ukrtelekom» şimdi öz Qırım bölügini nezaret etalmay.

Qırımda «Ukrtelekomnıñ» bağı fevral 10 künü üzüldi. Operatornıñ em internet, em mobil bağı yoq oldı. İçtimaiy ağlarda Ukrtelekom Qırım ofisiniñ zaptı aqqında malümat peyda olmağa başladı.

Qırım akimiyeti ukrain operatorınıñ söndürilüvine alâqası olmağını bildire.

Yarımadada «Ukrtelekom»nıñ eki bölügi çalışa edi: biri Aqyarda, digeri – Aqmescitte. «Ukrtelekom»nıñ Qırım bölügi Qırım qullanıcılarınıñ 80% hızmet ete edi. Şirketniñ saibi – Rinat Ahmetov.

XS
SM
MD
LG