Link açıqlığı

Saatnıñ esas haberi

Qırımda «Ukrtelekom» ve «MTS Ukraina» bağı yoq oldı


Qırımda «Ukrtelekom» ukrain operatorınıñ bağı yoq oldı. Qırım.Aqiqat mühbiri aytqanı kibi, bağ gece üzüldi.

«Operatornıñ em internet, em mobil bağı yoq oldı. Ev telefonından altı raqamlı nomeralarğa ve Qırım tışına da telefon etmek imkânsızdır. Bağ yalıñız region sıñırında çalışa. Er alda, Ukrtelekom qullanıcıları bir biri ile şimdilik daa bağlana bileler», – dep tarif etti Qırım.Aqiqat mühbiri.

Qullanıcılar yardım hızmetine telefon etip olamaylar, qıtaiy Ukrainadan açılğan bağlar üzüle. Ukrtelekomdan resmiy malümat şimdilik yoqtır.

İçtimaiy ağlarda Ukrtelekom Qırım ofisiniñ zaptı aqqında malümat peyda olmağa başladı.

«Bugün Ukrtelekomnıñ tehnikanı boza, bütün tellerini qopara, yoq etmek mümkün olğan er şeyni yoq ete ediler», – dep yaza Qırım blogeri Yelizaveta Bogutskaya.

Qırım.Aqiqatnıñ malümatına köre, «Ukrtelekom» bağı ile fevral 10 künü «MTS Ukraina» operatorı da söndürildi. Evel operator 3G bağını tutqan telefonlarda çalışa edi.

Yarımadada «Ukrtelekom»nıñ eki bölügi çalışa edi: biri Aqyarda, digeri – Aqmescitte. «Ukrtelekom»nıñ Qırım bölügi Qırım qullanıcılarınıñ 80% hızmet ete edi. Şirketniñ saibi – Rinat Ahmetov.

XS
SM
MD
LG