Link açıqlığı

ATR: silâlı insanlar telekanalğa bilgisayar serverini tutıp almaq içün keldiler


İçtimaiy ağlardan alınğan foto

Silâlı insanlar Aqmescitte yerleşken ATR qırımtatar telekanalına bir yıl devamında olıp keçken adiselerniñ video malümatını, şu cümleden, fevral 26 künü Qırım parlamenti divarları yanında keçirilgen mitingniñ videosını saqlağan bilgisayar serverini tutıp almaq içün keldiler.

Bunı ATR telekanalında acele çıqışta bildirdiler.

ATR yolbaşçılığı bütün malümatnı taqdim etmege azır, çünki serversiz efirge çıqmaq imkânsızdır, dep bildirdi efirde alıp barıcı Arzı Emirveli.

Silâlı insanlarnıñ kiyiminde OMON dep yazıla, amma Qırım İçki işler nazirligi bu vaqianı izaatlamay.

Hatırlatamız, 2014 senesi fevral 26 künü Qırım parlamenti divarları yanında Qırımnıñ ayırıluvına qol tutqanlar ve Ukraina birdemligi tarafdarları arasında muqavemet-mitingi keçirilgen edi. Ekinci tarafnıñ esas qısmı qırımtatarları edi.

Bazarertesi künü, yanvar 26-da, ATR qırımtatar telekanalına silâlı insanlar sürip kirdi, telekanal hadimleri tintüv ve paalı donatmanıñ tutıp alınacağına azırlana.

XS
SM
MD
LG