Rusiye Federatsiyasında Moskvanıñ Basman mahkemesi keçirilüvi cumaaqşamı künü, yanvar 22-ne, planlaştırılğan Mustafa Cemilevniñ Rusiye Federal migratsion mahkemesine olğan davası boyunca toplaşuvnı fevral 12-ne qaldırdı, – haber ete Radіo Svoboda.
Evel bildirilgeni ki, FMH Mustafa Cemilevge Rusiye tarafından işğal etilgen Qırımğa kirişini 5 yılğa yasaq etti.
Mahkeme toplaşuvınıñ avuştıruvı mahkemeciniñ hasta olğanı ile bağlı, – dep yaza neşir.
Cemilevniñ adliyecileri mahkeme ketişatında onıñ bulunmasını ve kiriş yasaqlığınıñ lâğu etilmesini talap eteler.
2014 senesi aprel 22-de Mustafa Cemilevge Rusiye tarafından işğal etilgen Qırımğa kirişini 5 yılğa yasaq ettiler. Aynı böyle yasaq birazdan Qırımtatar Milliy Meclis reisi Refat Çubarovğa da berildi.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
