Link açıqlığı

Cemilev: qırımtatarlarğa yarımadanıñ ekologik havfsızlığını qorumağa imkân bermeliler


Qırımtatar halqınıñ vekillerine yarımadanıñ ekologik havfsızlığınıñ qoruvı boyunca ketişatlarğa tesir etmek imkâniyeti berlmeli, dep tüşüne Ukraina prezidentiniñ qırımtatar halqınıñ işlerinden vekâletlisi Mustafa Cemilev.

Bu aqta onıñ resmiy Facebook saifesinde yazıla.

«Evel-ezelden Qırım toprağınıñ tabiatına nasıl yaqlaşmaq kerekligini bilgen qırımtatarlar amelde yarımadanıñ ekologik havfsızlığınıñ qoruvına tesir etmek içün muayyen imkânlarğa saip olmalı. Qırımnı abadan bağçadan insansız bir sahrağa çevirmege fırsat bermemek kerekmiz»,– denile beyanatta.

Qırım ekosistemasınıñ yoq etüv misali olaraq mında Eski Qırımdaki Ağarmış dağını qayd eteler.

Bu sebepten qırımtatar halqınıñ statusı aqqında qanun leyhasınıñ azırlanuvı boyunca işçi gruppağa Ukraina ekologiya ve tabiat resursları nazirliginiñ vekilleri de davetlidir.

«Qırımtatar halqınıñ Ukrainanıñ tamır halqı olaraq statusı aqqında» qanun leyhasını azırlamaq içün işçi gruppa şekillendirildi.

XS
SM
MD
LG