«Qırımtatar halqınıñ Ukrainanıñ tamır halqı olaraq statusı aqqında» qanun leyhasını azırlamaq içün işçi gruppa şekillendirildi.
Bu malümat Ukraina prezidentiniñ qırımtatar halqınıñ işlerinden vekâletlisi Mustafa Cemilevniñ resmiy Facebook saifesinde berile.
Bir sıra ekspert ve Qırımtatar Milliy Meclisiniñ vekillerinden ğayrı işçi komissiyanıñ iştirakçileri cedveline adalet nazirligi, tasil ve ilim nazirligi, içtimaiy siyaset nazirligi, tışqı işler nazirligi, medeniyet nazirligi, regional inkişaf, qurucılıq ve JKH nazirligi, RNBO apparatı, Ukraina Yuqarı Radasınıñ insan aqlarından vekâletlisiniñ kâtibiyet temsilcileri kirdi.
Cumaertesi künü, yanvar 17-de, Qırımtatar halqınıñ aq-uquqlarını qorçalav komitetiniñ bütünqırım konferentsiyasınıñ iştirakçileri ukrain parlamentine muracaatta bulunıp, Ukraina tışqı işler nazirligine 2015 senesi aprel ayında Birleşken Milletler Teşkilâtınıñ imayesi altında qırımtatar halqınıñ havfsızlığı halqara konferentsiyasınıñ keçirilmesine teşebbüs köstermege rica ete. Konferentsiyada Türkiye prezidenti Recep Tayip Erdoğan ve BMT Baş kâtibi Pan Gi Munğa muracaatları qabul etildi.
