Link açıqlığı

«Ukrzaliznıtsâ» Novoalekseyevkadan Kiyev, Krivoy Rog ve Dnepropetrovsk şeerlerine ketken trenlerni lâğu etti


«Ukrzaliznıtsâ» Novoalekseyevka stantsiyasından qatnağan eki trenni lâğı etti. Bunı şirketniñ matbuat hızmeti resmiy saytında bildire.

Berilgen malümatqa köre, №144/90 — 89/143 Krivoy Rog/Dnepropetrovsk – Novoalekseyevka treni aqqında laf kete. Krivoy Rog ve Dnepropetrovsk trenini yanvar 19-da, Novoalekseyevka trenini ise yanvar 20-de lâğu etecekler.

№28/27 Kiyev – Novoalekseyevka treni lâğu etile. Kiyev treni yanvar 19-dan itibaren qatnamaycaq, Novoalekseyevkadan ise yanvar 20-den itibaren lâğu etilecek.

Böyle etip şirket «yolcu taşımalarnıñ masraflarını eksilte».

Aynı vaqıtta, bildirile ki, «Ukrzaliznıtsâ» «yolcular sayısını er daim talil etip, kerek olsa belli yollarda tren qatnaması baqacaq».

Malüm ki, dekabr 26-da «Ukrzaliznıtsâ» Qırım ile demir yol alâqalarını toqtattı. Ukrain naqliyat inspektsiyası ile avtomobil ve avtobus stantsiyalarnı işğal etilgen Qırımğa biletlerniñ satılmasını toqtatmağa avale etti.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG