Link açıqlığı

Volnovaha civarında avtobusqa açılğan ateş neticesinde elâk olğanlarnıñ sayısı 13 adamnı teşkil etti


Volnovaha civarında avtobusqa açılğan ateş neticesinde yaralanğan er kişi hastahanede can berdi. Böylece facia qurbanlarınıñ sayısı 13 insanğa qadar arttı, – dep haber ete Espreso.TV.

Neşirniñ malümatına köre, bu insan Mariupolge nefaqa meselesi boyunca kete edi.

Malüm ki, salı künü, yanvar 13-te, saat 14:30 boyevikler Volnovaha civarındaki blokpostqa ateş açtılar. Anda bulunğan yolcu avtobusta on insan öldürildi. 18 kişi hastahanege tüşti. Birazdan olardan ekisi hastahanede can berdi.

Ukrainada yanvar 15-i boyevikler ve Rusiyege qoltutqan separatistlerniñ areketleri neticesinde elâk olğan adamlar içün Matem künü olaraq ilân etildi. Bunı prezident Petro Poroşenko vilâyet devlet memuriyetleriniñ reisleri ile işçi körüşüvde bildirdi.

XS
SM
MD
LG