Link açıqlığı

Qırımtatar Milliy Meclis reisi Refat Çubarov Qırımda 2014 senesi mart ayında işğalge yol bergen Qırım akimiyetiniñ areketsizligini taqiq etmek ve cinaiy işni açmağa vaqıt kelgenini tüşüne.

Bunı o, yañı 2015 senesiniñ kelmesine bir qaç saat qalğanda, öz Facebook saifesinde yazdı.

«Şimdi Qırım akimiyetiniñ areketsizligi boyunca cinaiy işniñ ve açıq taqiqatnıñ başlanmasına vaqıt kelgeni aqqında fikirler meni raat qaldırmay… Mesele intiqamda degil… Belânıñ ögüni almağanları sebebinden raatsızım», – dedi Çubarov.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG