Link açıqlığı

Aqmescitniñ demir yol kassalarında şamata. İnsanlar qıtaiy Ukrainağa qatnağan trenlerniñ lâğu etilmesi sebebinden biletlerni qaytarmağa tırışalar. Amma kassirler biletlerni almay ve aqça qaytarmaylar.

Yolcularğa ariza formalarını toldurmağa teklif eteler. İşbu arizalar Rostov-na-Donu şeerinde yerleşken Federal yolcu şirketiniñ Şimaliy-Kavkaz bölüginiñ yolbaşçısı adına yazılmaq kerek. Arizacı biletniñ qaytaruv sebebini ve öz bank esabınıñ nomerasını belgilemeli.

İnsanlarnı bu vaziyet açuvlata. Çoqusında bank esapları yoqtır. Kassirler bir şeyni añlatmay – ne içün insanlarnı Rostovğa yollaylar ve ne vaqıt aqça qaytarılacaq – belgisiz. Aileler ile seyaat etecek insanlarnıñ ziyanı büyük oldı. Kiyevge qatnağan 12-nci trenge bir bilet fiyatı tahminen biñ ruble tura.

Hatırlatamız, bugünden «Ukrzalіznitsâ» Qırım ile demir yol munasebeti toqtattı ve yarımadağa qatnğan halqara trenlerni de lâğu etti. Trenler endi yalıñız Novoalekseyevka ve Hersonğa qatnaycaq.

XS
SM
MD
LG