Ukraina sabıq prezidenti Viktor Yanukoviç noyabr 30 künü Yevromaydan iştirakçileriniñ dağıtuvına memuriyetiniñ sabıq başı Sergey Lövoçkiniñ alâqası olğanını tüşüne.
Bunı Yanukoviç Argumentı i faktı rusiyeli neşirine bildirdi.
«Noyabr 30 künü olğan tarikniñ artında Lövoçkinniñ turğanını tasdiqlaycaq delillerim yoq. Amma bu kibi tometlerniñ olmasına da sebep bar», – dedi Yanukoviç.
Sabıq prezidentniñ sözlerine köre, o, numayışnı dağıtmağa emir bermegen edi. «Menimce, tınç numayışnı radikal areketke çevirmek içün teşkil etilgen bir tarik edi», – dedi Yanukoviç.
Sabıq prezident Ukrainadan, Maydanda insanlarnıñ kütleviy sürette öldürüvinden soñ, fevralniñ soñunda qaçıp ketti. Yanukoviçniñ istifasını Maydanda tınç numayışnıñ dağıtuvından soñ talap etmege başladılar.
