Link açıqlığı

Ğayet qısqa ve sade maqale olacaq. Duyğu ve nasiatsız, maddeler boyunca, añlayışlı şekilde.

1.Aileñizde Avropa/Mısır/Türkiyege barmaq içün aqça yetmegenini añlasañız, biliñiz, bu – Qırım.

2.Maşinañıznı tahliye etip, sizge paalılağa tüşken esapnı berseler – bu Qırım.

3.Paalı kommunal ödeme ve bergilerniñ ödenilmesine kvitantsiyalar kelse – bu Qırım.

4. Balalar içün güzel ayaqaplarnı artıq alıp olamazsañız – bu Qırım.

5.Vade etkenleri kibi, metronı sizge uzatmasalar – bu Qırım.

6.Bala/torunlarnı universitetke oqutmaq içün para yetişmese – bu Qırım.

7.GİBDD para cezaları yükseltilse – bu Qırım.

8.Нastahanelerde аmeliyatqa nevbetler össe – bu Qırım.

9.Yemekke aile kelirniñ dörtten, üçten bir qısmı, yaqında ise yarısı masraf etilse – bu Qırım.

10.Sevimli qavehaneñiz qapatılsa – bu Qırım.

11.Ödünç almağa, yañı maşinağa aqça toplamağa imkânıñız olmasa – bu Qırım.

12.Paralı dersler – bu Qırım.

13.İşten çıqaruv, qısqartuv, «eyileştirüv»– bu Qırım.

14.İpoteka boyunca meskenniñ alınması imkânsız olsa – bu Qırım.

15.Evelki ödünçlerni almaq içün evleriñizni kollektorlar qaplap alsa – bu Qırım.

Yaqında vazgeçilecek adetiy ve rastkelecek yañı şeyler, – bu Qırım

Telekanallarnıñ aytqanına baqmadan, bu Qırım.

Er bir aileden bir-eki degil de, on biñlerce ruble. İstegiñiz olsa – yazmağa ve saymağa başlañız.

Diqqatıñız içün sağ oluñız, yahşı qalıñız, keyfiñizni bozmağa istemedim, amma er kes, menimce, añlamaq kerek.

Begenseñiz – güzel, demek, er şey kerek olğanı kibi kete.

Ayder Mujdabayev, «Moskovskiy komsomolets» gazetasınıñ baş muarrir muavini, İnsan aqlarınıñ qoruvında Moskva Helseng gruppasınıñ mukâfat namzeti

XS
SM
MD
LG