Link açıqlığı

Truskavets şeerinde qırımtatarlarnıñ sürgünligi aqqında filmge bağışlanğan hatıra tahtası peyda oldı


Truskavets ukrain şeerinde qırımtatarlarnıñ sürgünligi aqqında «Haytarma» filmine hatıra tahtası peyda oldı.

Bunı filmniñ rejissörı ve filmde baş rolüni icra etken Ahtem Seytabalev öz Facebook saifesinde bildirdi.

«Yıl evelsi Türkiye şeerinde «Haytarma» filmniñ festival tarihı başlandı, bugün mında hatıra tahtası peyda oldı. Truskavets şeerine ve festival teşkilâtçılarına filmimizniñ taqımı adından minnetdarım», – yazdı o ve tahtanıñ fotoresimini aşkâr etti.

«Haytarma» filmi 1944 senesi olğan qırımtatarlarnıñ stalin sürgünligi aqqında tarif ete. Halqnıñ tarihındaki bu facialı saife şüretli uçucı, Sovet Birliginiñ eki defa qaramanı – qırımtatarı Amet-Han Sultannıñ noqtaiy-nazarından kösterile.

Filmniñ ilk numayışı 2013 senesi mayıs 17 künü ötkerildi.

2014 senesi noyabr ayında «Haytarma» filmni İtaliyada keçirilgen festivalde eñ güzel film olaraq tanıdılar.

XS
SM
MD
LG