Link açıqlığı

İşğal etilgen Qırımda dollar ep paalılaşa. Cuma künü, noyabr 28-de, Aqmescitniñ deñiştirüv noqtalarında dollar eki rublege paalılaştı, – dep haber ete Qırım.Aqiqat mühbiri.

Noyabr 28-ne Qırım deñiştirüv noqtalarında amerika para birleminiñ satuv-aluvı 48,00 ve 50,00 rubleni teşkil ete.

Qırımlılar para çarşısındaki bu vaziyetke farqlı munasebette bulunalar: bazıları er şey yahşı olğanını dey, digerleri ise dollarnıñ paalılaşuvı ile mahsulat fiyatlarınıñ yükselüvine şikâyet ete.

Qırım.Aqiqat saytınıñ mühbiri aytqanı kibi, insanlar eminler ki, dollarnıñ yükselüvi, ilk nevbette, AQŞ ve Avropa birliginiñ Rusiyege nisbeten kirsetken sanktsiyalarına bağlıdır.

Hatırlatamız, saba noyabr 28-de yermay çarşısında, ОPEKniñ yermay çıqaruvını eksiltmemek qararından soñ, eksilüv yüz berdi.

Rusiye iş kanalları fond ve para çarşılarındaki vaziyetni «qara Cuma» oaraq adladılar. Bazarlıqnıñ ilk daqiqalarından dollarnıñ fiyatı – 50 ruble, yevro – 62 rublege yaqınlaştı. Yıl evelsi şu vaqıtta Rusiyede bir dollarğa 32 ruble bere ediler.

XS
SM
MD
LG