Link açıqlığı

Qırımda olğan politsiya hadimleri yerli degiller, yatlar. Qısqa boyu, sarışın, siñirli. Şimalden kelgen, cenübniñ küneşi altında yanıp küygen soyları. Kirpikleri bile bem-beyaz.

Aqmescitte 5-8 adam olıp yüreler. Aşıqıp keteler, bir yerde çoq oturmaylar.

…Puşkin soqağı daima şeerniñ esas sanasını añdıra edi. Bu soqaq boyunca er vaqıt adamlar kezineler. Qavehane, tükânlar, filarmoniya, kinoteatr, teatr bu yerde yerleşe. Onda bulunğan adamlarnıñ episi biraz aktrlar, bazıda seyirciler sıfatında bulunalar. Üstünden degil, soqaqnı körmek, biraz turmaq içün keleler. Er vaqıt böyle edi.

İşte, bu kiriş. Devamı böyle:

Puşkin soqağı, endi qaranıq tüşip başladı. "Spartak" kinoteatri yanında, qavehane, aphane yanında politsiya hadimleri alçaq boylu erkekni alıp keteler. Politsiya vekillerinden biri erkekniñ qoltuğına yapıştı, ekincisi yaqasından tuta. Daa üçü başqa kenardan keteler.

Artından - orta yaşlı qadın ve qızçıq. Aşıqalar. Qadın eyecanlı.

Kelip-keçkenler olarğa baqalar, er kesniñ diqqatını celp eteler. Ziyadesi qadın.

Bir politsiya hadimi olarğa yaqınlaştı:

- Ne içün ketesiñiz? Ne içün ketesiñiz?

- Qayda onı alıp kettiñiz? Meni de alıñız! Bizni alıñız!

- Qıçırmañız!

- O – ermeni! Men – yeudiy! Mına bizim miletimiz!

- Qıçırmañız!

- Meni de alıñız! Baq qızım, babamıznı apis ettiler! Nemseler böyle cenk vaqtında yapa ediler. Bizni de onen alıp ketiñiz!

Erkek apansızdan toqtalıp, çevirile. Soñ üstüne asılğan siñirli yat sarı erkekler ile adımlamağa devam ete.

Bui se, haberlerden alınğan malümat:

Şu künü, noyabrniñ 15-nde, Aqmescitte politsiya hadimleri teşkerüv keçire ediler, slavân tışqı qıyafeti olmağan erkeklerni yaqaladılar. Anda, olarnı qayd etip, parmaq izlerini aldılar. Yüzden ziyade adam politsiyanıñ qoluna tüşti. Politsiya hadimleri erkeklerni bazar kirişinde ve kavehanelerde qıdırdılar.

Bu areketlerniñ episi qırımtatarlarnı Maydannıñ bir yıllığı arfesinde qorquzmaq maqsadınen yapılğanına oşay.

İvan Ampilogov, Qırımdan rus yazıcı

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG