Link açıqlığı

Mektepten soñ, men mingen qırmızı merdivenni pek yahşı hatırlayım. «Def oluñ, damnıñ üstünden!» kibi adaletli laflar da aqlımda qaldı. Ayaqmaşinanen aşağa eñgen basamaqlarnı da hatırlayım. Birinci mektep azbarı aqlımda qaldı. Çeçek çerepler de bar edi. Olar, oyunımız içün kerekli olğan sıñırlarnı belgiley ediler.

Oynap qaldıq. Endi ise, bu «sıñırlar» daa da keñiş. Sen qurğan sıñırlar degil. Oyun degil, aqiqiy sıñırlar. Qomşu devletnen. İstilâcınen.

Bazı dostlarım Qırımnı terk etip başladılar. Başqaları ana-babasına uyıp susıp oturalar. Üçüncileri, alışalar. Soñkilerniñ sayısı daa çoq.

Maydan lâyıq olğanlarnı teşviq etti. Qırımğa uyanacaq adam yoqmı? Ayaqqa turğan Ukrainağa yuquğa dalğan Cenüp, şimdi ise, memleketniñ Şarqısı kerekmi? İqtisadiy cietinden Qırım ve Donbass daima qoşma yatırımğa muhtac edi. Amma, ileride muvafaqiyetli olması mümkün ediler.

Qırım yuquğa daldı aytqanda, şaqa etmeyim. 2014 senesi fevral ayında, biñlerce qırımtatarlar ukrainliler ve ruslarnen birlikte Qırım Yuqarı şurası yanında toplaştılar, olar separatistlerni yeñdiler. Yeñip oldılar. Ekinci künü binağa silâlanğan adamlar kirdi. Silânen! Arbiyler işni devam etmek kerek ediler, emir kelmedi.

Silâlı adamlar Qırım yollarında tura ediler, olarnı iç bir kimse cezalamaycağını duya ediler. Ukraina şarqında daa beter oldı. Donbassta bu avtomatlar ateş açtılar. Oyun degil. Kimniñdir qırmızı merdivenine mindiler. «Def olıñ, damımdan», kibi adaletli sözler yañğırap başladı.

Qırımnı berdik, Donbassnı teslim ettik…. Daa bir şey kerekmi? Belki paytahtnı da istersiñiz?

Kеndi noqtai nazarını isbatlamaq küç, öz devleti içün küreşmek daa da küç. Silâlanğan adam, qollarıñ baylı olğan vaziyette emir bergende daa da qıyın. Qırımsız, Donbasssız, Ukrainasız qalacaqmızmı?

Taisiya Kutuzova, qırımlı mühbir, bloger

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün

XS
SM
MD
LG