Közüme bir resim tüşti: cemaat arasında ukrain milliy urba kiygen eki erkek buluna, er kes kibi uzaqqa baqalar. Aqmescitte olıp keçken vaqia, nasıldır devlet bayramı. Meni ne şaşırttı: bu insanlarnı körip, qasevet etip başladım. Adamlarnıñ yüzleri tınç, amma, olarnıñ Aqmescitte vışivanka kiyip yürgenleri qasevetke daldıra.
Bu ukrainler Gitler zamanında yeudiylerni añdıralar, qollarında şeritler olğan soyları. Pek oşaylar. Tamam böyle.
Ukrain milliy urbası David yıldızına teñ kele. Bu timsaller taqip etilgen, quvulğan kimseniñ alâmetidir. Onı ille taqip etmek kerek. Em de ayırmaq qolay – üstünde işaret bar.
Ukrainanı añdırğan er şey Qırım işğalcilerniñ açuvını çıqara, tamam faşistlerni yeudiyler açuvlandırğan kibi. Bese-belli şey. Şimdiki Qırım-Rusiye ve o vaqıttaki nemselerniñ nefreti biri-birine beñzey.
Şimdi Aqmescit soqaqlarında vışivanka kiyip yürmege, sanki yeudiy içün Berlinde 30-ncı seneleri dolanmaq kibidir.
Öylemi? Ebet, böyle. Siz, qıtada vışivanka kiygen adamnı soqaq ya da tükânda rast ketirseñiz ne duyasıñız? Ya Qırımda? Tek qasevet çekseñiz, eyi. Amma, #Qırımbizimki ğayeniñ tarafdarları, ya imayeciler, ne duyalar, aceba? Tek qasevetmi? Ya da, 30-ncı seneleri yeudiyni rast ketirgen natsist is etkenleri içinde qaynaymı?
İvan Ampilogov, Qırımdan rus yazıcı
«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
