Link açıqlığı

Ekspert: Rusiyeniñ bayramları atta rus tilli yarımada sakinleri içün yat körüneler


Aqmescitte Halqa birligi kününiñ qayd etilüvi. Noyabr 4 künü 2014 senesi

Aqmescit – Noyabr 4 künü işğal etilgen Qırımda birinci kere Rusiye devlet bayrağı sayılğan Halq birligi künü ötkerildi. Bütün teşkil etilgen tedbirler Vladimir Putinniñ süretleri ve «DHC» bayraqlar altında keçirildi.

Aqmescitte Qırım parlamenti yanında yarım biñg yaqın insan toplaştı, olarnıñ qollarında Rusiye bayraqları, siyasiy firqalarnıñ, hususan «Yedinaya Rossiya» firqasınıñ timsalleri, Vladimir Putinniñ süretleri bar edi. Kelgenlerniñ bazıları Ukrainada terroristik kibi tanılğan «DHC» bayraqlarını ketirdiler. Bazı adamlar rus milletçilerniñ timsali sayılğan qara-sarı-beyaz tüsteki Rusiye imperatorlığınıñ bayraqlarını qollarında tuta ediler.

Toplaşqanlarnıñ ögünde Qırım «akimiyeti» vekilleri çıqışta bulundılar. Rusiyeli Qırımnıñ yolbaşçısı Sergey Aksönov mühbirlerge bergen intervyüsında Tañrığa minnetdarlığını bildirip, yaqın biñ yıl devamında Rusiyege iç bir şey telüke ketirmez kibi işanç bildirdi.

Sergey Aksönov
Sergey Aksönov

«Tañrığa şükürler olsun, bugünde bugün üzerimizdeki kök tınç, milliy liderimiz bar, biz ğururlanğan devlet bar. Onıñ içün qorqacaq şeyimiz yoq. Rusiyeliler ve qırımlılar bunı «rus baari» devamında isbatladılar. Yekâne ruh ve duyğular sayesinde birleştik. Bu duyğularnı saqlap qalmaq kerekmiz. O vaqıt Rusiyege yaqın biñ yıl içinde iç bir şey telüke ketirmez», – dep ayttı Sergey Aksönov.

Qırım «spikeri» Vladimir Konstantinov çıqışı devamında, Donbassta «DHC» ve «LHC» vekilleri keçirgen saylavlarğa qol tutqanını bildirdi.

Aqyarda numayış keçti, Keriçte balıq satıp yürdiler

Aqyarda devlet bayramı munasebetinen yürüş 40 daqqa devam etti. Radio Svoboda hadimi bildirgenine köre, tedbir saat 10:15 başlap, 10:55 –te yekünledi. Şeerniñ bir qaç biñ sakini Rusiye devlet bayraqları ve siyasiy firqalarnıñ bayraqları altında Aqyarnıñ merkeziy soqaqlarını dolandılar.

Keriçte Halq birligi künü
Keriçte Halq birligi künü

İşğal etilgen Keriçte bayramnı merkeziy meydanda kontsert ile keçirdiler. Keriçlilerni vatanperverlik mevzusında rus yırları ve qırımtatar, ukrain tillerinde türkülernen eglendirdiler.

Kontsert devamında meydanda yerli tatlılıqlar, deñiz mahsulatlarnı sattılar. Qayd etmeli ki, alış-verişni Lenin abidesi yanında teşkil ettiler, bu ise, yerli sakinlerni bayağı şaşırttı.

Rusiyeli bayram daa bir raatlıq künü olaraq qabul etile

Umumen alğanda, Qırım sakinleriniñ keyfi, Rusiye Künü qayd etilgen vaqıtta kibi köterinki degil edi. İçtimaiy ağlarda adamlar quvançını numayış etmediler.

Siyasetşınas Sergey Kоstinskiy aytqanı kibi, rus bayramlar atta rus tilli sakinler içün yat körüne.

«Halq bayramnı kütleviy şekilde qayd etmesi içün, tedbir an—aneviy olması kerek. Yıllar devamında bayramnı qayd etmek medeniyeti pekitilmek kerek. Ealiniñ bir qısımı arasında rus mevzusında olğan er şeyni qayd etmege mot oldı, amma bu keçer. Rus yürüşi kibi tedbirlerge ise, yarımada içün alışmağan bir tedbir. Bunı atta, rus tilli ealige ters kelir», – dey siyasetşınas.

Yaqın şarqiy taqiqatlar Merkezi mütehasıssı Sergey Danilovnıñ fikirince, Rusiyeniñ Qırımdaki siyaseti ileride de rus yaqılı milletçilerni qozğalatacaq.

«Yapılğan teşviqat bu akimiyetke yañı bayramlar aqqında belli bir fikirlerni aşlamağa yardım eter. Moskva Qırımdaki milletçilerge tayana, olarnı qozğatmaq ve desteklemek müim», – dey Sergey Danilov.

Noyabr 4 künü Moskvada rus milletçileri «Rus yürüşini» teşkil ettiler.

XS
SM
MD
LG