Link açıqlığı

İşğal etilgen Qırım akimiyeti, rusiyelilerge ait olmağan şeylerni qabul etmegenini, qırımtatarlarğa nisbeten munasebetinde kösterdi.

Bunı Fokus neşirine qırımtatar milliy Meclis reisi Refat Çubarov bildirdi.

Meclis başınıñ fikrine köre, halqara uquqlarına ve atta Rusiye qanunlarına binayen, Qırımda insanlarnıñ sayısı bütünley körmemezlikke urula.

«Bu akimiyet içün «üç til» degeni yalıñız rus tiliniñ qullanuvını belgiley. Em de devlet idare organlarında qırımtatarlarnıñ temsilligi yalan olğanını da bilemiz»,– dedi Çubarov.

Onıñ sözlerine köre, Moskvanıñ qırımtatarlarğa olğan «kefaletler»inden Meclis böyle bir neticeni çıqardı, yani «Devlet şurası»nıñ 75 deputatından 15 insan çoqmandatlı qırımtatar bölüginde saylanılmaq kerek edi.

«1994 senesi ukrain mustaqilligi şaraitlerinde bir kere endi böyle bir şeyge rastkelgen edik. Amma soñra Yuqarı Şura bunı lâğu etti. İşğalci akimiyet de bu qaideni qabul etmedi. Şunıñ içün biz olarnı teşkerip baqtıq ve şovinizm ile hasta olğanlarını añladıq, rusiyelilerge ait olmağan er şeyni nefret eteler», – dedi Çubarov.

O şunı da qayd etti ki,qırımtatarlarğa şimdi yarımadanıñ yerli akimiyeti ep basımnı köstermekte. Qırımdaki vaziyetni Çubarov 1937 senesi olğan ayırımlar ile qıyasladı.

«Bugün Qırım 1937 senesi olğan ayırımlarğa qayttı. Er keske bir kün kele bileler. Eger de insan özüni iç bir ceetten köstermese bile, onıñ adını birev ayta bile», – dedi o.

BMTnıñ Ukrainada insan aqları aqqında soñki arizasında Qırımda vaziyet ep kerginleşkeni, hususan qırımtatarlarğa qarşi basqı yapılğanı bildirile.

XS
SM
MD
LG