Link açıqlığı

Qırımda Rusiye tursitleriniñ sayısı artqanını qayd ettiler


İşğal etilgen Qırımda bu yaz mevsiminde Rusiye vatandaşlarınıñ tahminen 2% raatlandı, 9% ise raatlanmağa ister edi. Bu kibi malümatnı Bütünrusiye cemaat fikirniñ ögrenüv merkeziniñ baş müdiri Valeriy Fedorov bildirdi, – dep haber ete İTAR-TASS.

«Bu ve diger malümatlar Qırımnıñ rusiуеliler arasında populâr olğanını tasdiqlay», – dep yaza neşir.

Fedorov eki bütünrusiye içtimaiy soravnıñ malümatına ve Qırım turizm ve kurort «nazirliginiñ» qayd etkenine esaslana.

İşbu müessiseniñ malümatına köre, 2014 senesi Qırımda yaz mevsimi devamında 2,8 mln turist bulundı, olardan 1,96 mln – rusiyelilerdir. Keçken senege köre, vaziyet ğayet deñişkendir, o vaqıt raatlanğanlarnıñ umumiy sayısı – 5,9 mln edi, rusiyelilerniñ sayısı – 1,53 mln.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG