Qırım Yuqarı Radasınıñ sabıq reisi Anatoliy Gritsenko «Spravedlivaya Rossiya» firqasınıñ saflarını terk etti, dep haber ete «Krımskiy vektor».
Neşirniñ yazğanına köre, Gritsenko Rusiye firqasından öz isteginen ketti. Onıñ qararını Yedi-Quyu (Leninskoye) rayonında olıp keçken «Spravedlivaya Rossiya» firqası yerli bölüginiñ azalar toplaşuvında qabul ettiler.
Firqanıñ yerli bölük Şurası ve teftiş komissiyası da vekâletlerini vaqtından evel yekünlediler.
Avgust 26-da Qırım mahkemesi Anatoliy Gritsenkonı Qırım Devlet şurası deputat namzeti olaraq qayd etüviniñ lâğu etilmesi aqqında qararnı qabul etti. Malüm olğanı kibi, saylavlar sentâbrniñ 14-ne belgilene.
