Ukrain ve qırımtatar sınıflarını açmaq meselesi er yerde çezilmedi, çünki ana-babalar bunıñnen bağlı arizalarnı bermediler.
Bunı Qırım tasil, ilim ve gençlik «naziri» Natalya Gonçarova ayttı, – dep haber ete Qırımnıñ öz başına ilân etilgen ükümet «ruporı» «Krıminform» saytı.
«Ana-babalarnıñ belli bir til oquş tili olmaq kerek degen arizaları olmaq kerek. Bu başıdır – balanıñ şahsiy işi bundan başlana. Angi bir sınıfqa barmasa da: 1-inci, 10-uncı ya da 5-incimi», – dep qayd etti Gonçarova.
Qırım «Devlet şurası» «Tasil aqqında» ve «Qırım Cumhuriyetinde tiller işletilmesi aqqında» eki qanun leyhasını birinci oquvda baqmaq kerek. Olarğa köre, Qırımnıñ eki devlet tili – ukrain ve qırımtatar – mecburiy ya da fakultativ olaraq ögrenilecek belgilenmeli.
