Link açıqlığı

Qırımda ukrain tilini başlanğıç sınıflarda artıq ögretmeycekler


İşğal etilgen Qırım memurları yarımadada ukrain tilli oqutuvı ile başlanğıç sınıflar artıq olmaycağı aqqında bildireler.

Yerli matbuat vastalarnıñ malümatına köre, böyle bildirüvni bugün cumhuriyetniñ tasil, ilim ve gençlik naziri Natalya Gonçarova ilân etti.

«Rusiyeniñ Qırım federal diyarında ukrain tilli oqutuvı ile başlanğıç sınıflar artıq olmaycaq. İstegenler tapılmadı», – dedi Gonçarova.

Onıñ sözlerine köre, birinci sınıf talebeleriniñ ana-babaları rus tilli, qırımtatarlar yaşağan rayonlarda ise qırımtatar tilli oqutuvğa keçmek içün arizalarnı yazğanlar.

Bundan tek Aqmescitniñ sabıq ukrain gimnaziyası istisna ola bile. Mında ana-babalarnıñ dörtten bir qısmı balalarnı ukrain tilinde oqutmağa istegini bildirdi, – dedi Gonçarova.

Belli olğanı kibi, oquv yılnıñ soñunda Qırımnıñ bazı mekteplerinde talebelerniñ ana-babalarına mahsus sorav kâğıtlarnı bergen ediler. Mında ukrain ve qırımtatar tilli oqutuv aqqında fikirlerni bildirmege rica etile edi.

XS
SM
MD
LG