Qırımnıñ «baş naziri» Sergey Aksönov iyül 28 kününi cumhuriyette raatlıq künü olaraq ilân etti. Bu sene bazarertesi kününe İslâm taqviminiñ eki bayramlarından birisi – Oraza bayram rastkele.
Bu aqta Aksönovnıñ iyül 24 künü alınğаn «fermanı»nda söz kete. Onıñ kopiyasını Qırım.Aqiqat mühbirleri elde ettiler.
«2014 senesi iyül 28 kününi – Oraza bayramnı – raatlıq künü olaraq ilân etmege», – dep qarar çıqardı Aksönov.
O, 1997 senesinde alınğan Rusiye qanunına esaslana: «Vicdan serbestligi ve din birleşüvleri aqqında».
Oraza bayramımnda musulmanlar bayram namazına bara, eñ güzel urbalarğa kiyine, adetiy yemeklerni pişire, bayram sofrlarnı donatıp, qomşu, soy-sop ve dostlarını musafirlikke davet ete, ediyelerni bağışlay, quvana ve şeñleneler.
Hatırlatamız, Qırım parlamenti iyünniñ soñunda birinci oquvda Qırımda Qırım Cumhuriyeti Kününi, Qırım Cumhuriyetiniñ Anayasa Kününi, Oraza ve Qurban bayramlarını, Pashalya ve Troitsanı raatlıq künü olaraq belgilegen qanun leyhasını qabul etti.
