Link açıqlığı

Birleşken Milletler Teşkilâtını Qırımnı nezaret etmeli - qırımtatarlar gruppası halqara mahkemesine muracaatta bulundı


Aqmescit – «Qırımtatarlar qarşılıq kösterüv areketi»nde, Qırım davalı bir yer ve qırımtatarlarnıñ bu yerde öz devletni qurmağa aqqı olğanında eminler. Bu aqnı tanımaq ve şimdilik Qırımnı Birleşken Milletler Teşkilâtı nezaret etmesini rica etip, areket vekilleri insan aqları boyunca Avropa mahkemesine muracaatta bulundılar.

Bu kibi şikâyet Rusiye, Ukraina ve Birleşken Mİlletler Teşkilâtınıñ Baş Assambleyasına qarşı yollanıldı. Vesiqanıñ yollanmasına sebep olaraq «qırımtatarlarnıñ milliy territoriyasınıñ işğali ve basıp alınması» ve bunen beraber, qırımtatar halqı ve eki devlet Ukraina ile Rusiye arasındaki dava da esas kibi belgilene.

Birleşken Milletler Teşkilâtını Qırımnı nezaret etmeli – «Qırımtatarlar qarşılıq kösterüv areketi»

Areket vekilleri insan aqları boyunca Avropa mahkemesini, «qırımlılar» ve yarımadanıñ tamır halqı arasında davanıñ olmasını ve qırımtatarlarnıñ vatanı – Qırımğa aqqı bar olğanını tasdiqlamağa rica ettiler.

Bundan da ğayrı, şikâyette «Birleşken Mİlletler Teşkilâtı Baş Assambleyasınıñ, 1991 senesi iyün 28 künü qabul etken qırımtatarlarnıñ milliy mustaqilligi aqqında Deklaratsiyası boyunca vaqtında riyet etmegenini» de tanımağa istenile.

«Qırımtatarlar qarşılıq kosterüv areketiniñ» koordinatorı Nеdim Halilov Qırım.Aqiqatqa: «Şimdiki vaqıtta, adliye tarafından Qırım iç bir kimsege ait degil. Bu davalı territoriya, oñ Rusiye, Ukraina ve qırımtatarlar iddia etmekteler. Birleşken Milletler Teşkilâtı bu dava al etilmegence, Qırımnı nezaret etmeli», - dep qayd etti.

Aytqanına köre, bir ay evelsi onıñ areketi açıqtan-açıq öz faaliyeti aqqında bildirdi. Onıñ sözlerine binaen, qurum tek silâsız usullarnı işletecek.

Nedim Halilovnıñ fikirince, Qırım «davalı territoriya» olğanından sebep, Qırım «akimiyeti» küzge belgilegen saylavlar qanunsız sayılacaq. «Rusiye Federatsiyası er türlü areketini toqtatmalı. Bu mesele al etilmegence, em Ukraina, em Rusiye qarışmamalılar», - dep bildirdi teşebbüsçi.

Aynı zamanda, mütehassıslar bu teşebbüske teñqidnen yanaştılar. Qırımdaki «Deystviye» uquq-qoruyıcılar merkeziniñ reberi Aleksandra Dvoretskayanıñ fikirince, areket vekilleriniñ şikâyetini qabul etmezler. Mesele şunda ki, insan aqlar boyunca Avropa mahkemesi Birleşken Milletler Teşkilâtı qurumlarınen bağlı meselelerni baqmay.

Amma, «Qarşılıq kösterüv areketinde», Avropa Mahkemeniñ er türlü cevabı endi bir netice olacağı ve diger halqara qurumlarına da muracaat etmege niyet etirler.

XS
SM
MD
LG