Link açıqlığı

Saatnıñ esas haberi

Cemilev: qırımtatarlar demokratiyağa alışqanlar, bu sebepten Rusiye akimiyetini qabul etmeyler


Qırımtatar halqı rusieli akimiyetni, serbestlikke alışqanları sebebinden qabul etmeyler.

Bunı, qırımtatar milliy lideri, Ukraina halq vekili Mustafa Cemilev iyün 13 künü İsveçrede Just Governance matbuat konferentsiyasında bildirdi, dep bildire KrımSOS.

«Şimdiki vaqıtta bütün dünya cemaatçılığına bir mesele qoyuldı – Rusiye, Qırımnı işğal etkende Budapeşt añlaşmalarını bozıp, halqara vesiqalarnıñ küçüni şübe astında qaldırdı. O, halq toplaşıp, cinayetçiler akimiyetini yoq etkeninden qorqıp, Qırımnı zapt etti», - dedi o.

Cemilev qayd etkeni kibi, bugünki şaraitlerde «qırımtatarlarnıñ milliy areketi» sertleşe bile, amma şimdilik Meclis buña yol bermey. Meclis faaliyetiniñ yasaqlanma ise, milliy areketini zayıflaştırmaq degil, aksine onı küçleştirir.

«Halqara cemaatçılığı yapa bilecek eñ büyük basqı – Rusiyege qarşı qullanılğan iqtisadiy sanktsiyalardıır. Men, bir de bir halqnıñ digerlerine köre, daa üstün olıp kösterilmesine qarşı çıqam, çünki bu imtiyazlarnı alğan millet çökip başlay», - dep qayd etti Cemilev.

Qırım «prokurorı» Natalya Poklonskaya Meclis reisi Refat Çubarovnı, temsiliy organnı ekstremistik olaraq tanılması mümkün, dep tenbiyeledi. Em de oña, 5 yıl içinde Qırımğa kelmege yasaq etti.

Tamam bu kibi yasaqqa Mustafa Cemilev de oğratılğan edi.

XS
SM
MD
LG