Çernigov otrâdınıñ sıñırcıları Rusiye Silâlı quvetleriniñ zabitini Ukrainağa kirsetmediler, bildirdiler Devlet sıñır hızmetinde, dep haber ete Azatlıq Radiosı.
«Rusiyeli yolcu olaraq «Gomel-Kiyev» avtobusınen «Novıye Yarıloviçi» kiriş noqtasından kele edi. Vesiqalar teşkerilgende ve sorğu vaqtında er kişi Ukrainadaki arbiy areketlerde iştirak etmek niyeti bar olğanını bildirdi», – aytıla Devlet sıñır hızmetiniñ beyanatında.
Eşyalar teşkerilgende sıñırcılar Rusiye Quvetleriniñ zapas zabiti arbiy bileti, bir qaç şeadetname – Rusiye uçucısı, Rusiye ava areketini idare etüv dispetçeri, Rusiyeniñ arbiy uçucısı, Rusiye Federatsiyasınıñ grajdanlıq aviatsiya şturmanı, GPS-navigatornı taptılar
Bunı Çernigov vilâyetinde SBU hadimleri bildirdiler.
Rusiye vatandaşına 3 yıl devamında Ukrainağa kelmege yasaq etildi, onı keri qaytardılar, dep bildirdiler devlet sıñır hızmetinde.
