Romada ukrain cemaatçılığı bazar künü Rusiye istilâsına qarşı numayışlar keçirdi. Tedbir, turistler eñ çoq ziyaret etken Panteon yanında teşkil etildi. Bunı Radio Svoboda bildire.
Elliden ziyade iştirakçi qollarına milliy bayraqlar ve «Terrorist Putin Ukrainanı yoq ete! Onı toqtatayıq» kibi yazılar ile plakatlar aldılar. Yoldan keçkenlerge ingliz ve italyan tillerinde yazılğan bildirmeler tarqattılar. Rusiye teşviqatına işanmamaq ve Ukraina, hususan Donbassta olğan vaqialarnı kendi noqtai nazarından añlattılar.
Rusiyeden kelgen turistlerge rus ve ukrain tillerinde bildirmelerni tuttırdılar. Olarnı Ukraina ve halqına destek köstermege çağırdılar.
Ukrain İtaliyanıñ hristian cemiyetiniñ reberi Öles Gorodetskiy öz çıqışında: «Putin – Avropa içün yañı Gitler. Bunı avropalılar añlamalılar», dep qayd etti.
Bunen beraber, fleşmob da ötkerildi: rusiye yaqlılarnıñ kiyimlerde erkekler ukrain milliy çemberler kiygen qızlarğa taba silânı yöñelttler. Toplaşqanlar elâk olğan ukrain arbiylerni sukünet daqiqasınen añdılar.
Numayışnı körgen bazı rus turitsleri ukrainlilerni sögip aldılar. Olar ise, dava çıqmasın dep, cevap bermediler.
Eki saatlıq miting devamında Ukraina köçebelerine yardım olaraq 645 yevro toplanıldı.
