Link açıqlığı

Terroristlerge qarşı ameliyatnıñ quvetleri iyül 4-de aqşamğa qadar Donetsk vilâyetiniñ Slavânsk rayonında Nikolayevkanı bütünley öz neareti altına qaytardı, dep bildirdi Ukraina içki işler naziri Arsen Avakov.

«Nikolevka bütünley nezaretimiz altındadır! Silânı teslim etken tahminen 50 boyevik zapt etildi», – dedi içki işler nazirliginiñ başı.

Onıñ sözlerine köre, Nikolayevkanı boyeviklerden sekiz saat boşata ediler.

«Silâlı quvetleriniñ, Milliy gvardiya ve içki işler nazirliginiñ mahsus bölükleriniñ ğayreti ile qasaba ket-kete silâlı banditlerden azat etile. Nikolayevkanıñ esas qısmını quvetelrimiz nezaret etmekte», – dep yazdı o Facebook saifesinde.

Nazir bir qaç kün içinde Slavânsk sakinerine tınç ayat qaytarılacağına ümütini bildirdi.

Lugansk ve Donetsk vilâyetlerinde terroristlerge qarşı ameliyat aprelniñ 15-den keçirile.

XS
SM
MD
LG