Link açıqlığı

Rusiye, Azerbeycan ve Türkiyeniñ qırımtatarlarğa qol tutqanlarını körse, niyetinden vazgeçer. Bunı haqqin.az neşirine bergen intervyüsında Meclis reisi Refat Çubarov ayttı.

Refat Çubarovnıñ sözlerine köre, qırımtatar halqı kendi aqlarınıñ qorçalanuvı ve «Putinniñ halqqa bergen vadelerniñ yerine ketirilüvini istey».

Qırım Rusiyege qoşulğan soñ, üç ay keçti, adamlarnıñ eyi deñişmelerge olğan ümütleri sönip, közleri qayttı. «Biz, qırımtatarlar, Ukrainada yaşağanda, çeşit meselelernen rast kele edik, amma serbest yaşadıq, şimdi ise, bizge nefes almağa bermeyler, sanki dersiñ, Sovet ükümeti devirine qayttıq», - qayd etti Çubarov.

Onıñ aytqanına köre, bu vaziyette Qırımnıñ aman-aman er sakini iş, turmuş, maliye, soylar ile bağlı meselelernen qarşılaştı.

Refat Çubarov ayırıca sıqıştıruv problemasında toqtaldı.

«Ukraina, kerçek aytsaq, bizim bir çoq ümütimizni aqlamadı, amma, eñ esasını temin etti – kendimizni olğanımız kibi alıp bardıq. Ve men bellesem, bu doğru edi. Söz serbestligi, tınç toplaşuvlarnıñ serbestligi, açıq munaqaşlarnıñ serbestligi – bunıñ episinden marum etilgen soñ, qıymetini añlaysıñ. Bugünde bugün bizni bundan marum ettiler, ve biz keregi kibi qıymet kestik», - dedi Meclis reisi.

Bundan evel Meclis reisi Refat Çubarov, Qırım cemaatçılıqnıñ ayırı qısımına nisbeten «ekinci dereceli» kibi davranmağa mümkün degil, dep aytqan edi.

XS
SM
MD
LG