Link açıqlığı

«Haytarmanı» Vilniuste kösterecekler


İyülniñ 9-da Vilniusteki «Multikino» kinomerkezinde qırımtatar halqınıñ sürgünligi aqqında «Haytarma» filmini kösterecekler.

Bunıñ teşebbüsçisi Litva tatarlar cemiyetleriniñ Birligi ve qırımtatar diasporasınıñ faal erbabı Seytumer Çurlu oldılar.

Litva tatarlarnıñ cemiyetler Birliginiñ reisi Adas Yakubauskas malümatına köre, kiriş paralı olacaq, lâkin bütün sermiyalar qırımtatar halqına yollanılacaq.

Tedbirge baş qaraman rolüni icra etken Ahtem Seytablayevniñ kelmesi beklenile.

«Haytarma» Qırımda çıqarılıp, qırımtatar halqınıñ 1944 senesi mayıs 18-de olıp keçken faciasını butünley tasvir ete. Levhada profesional aktörlarnen beraber adiy adamlar da iştirak etti.

XS
SM
MD
LG