Link açıqlığı

Glazyev: Gümrük birligi Ukrainanı Avropa birligi ile assotsiatsiyanıñ imzalanuvından soñ ğayıp etti


Gümrük birligi Ukrainanı Avropa birligi ile assotsiatsiyanıñ imzalanuvından soñ ğayıp etti.

Bunı Rusiye prezidenti keñeşçisi Sergey Glazyev bildirdi, dep haber ete Azatlıq Radiosı.

«Bizde Brüsselde AB ve Ukraina, Gürcistan, Moldova arasında assotsiatsiya añlaşmasınıñ imzalanuvı ile bağlı ğayet çoq sual peyda ola. Yani ğarp yönelişte keneşlevimizge qattı mania qoyuldı», – dedi Glazyev.

Putin keñeşçisi işbu al Rusiye menfaatına tesir ete ve bu üç devlet ile işbirlik istiqbali aqqında tüşünmege mecbur etkenini aytıp keçti.

«Assotsiatsiya añlaşması çerçivesinde Ukraina, Moldova ve Gürcistan musaqilliginiñ bir qısmını Avropa komissiyasına bergenler. Yani olar endi Gümrük birligi ve YEEP azaları olamazlar. Bizim içün büyük bir zarardır»,– dedi Glazyev.

Hatırlatamız, Ukraina, Gürcistan ve Moldova iyün 27 künü Brüsselde Avropa birligi ile assotsiatsiya Añlaşmasını imzaladılar. Ukrain tarafı vesiqanıñ yalıñız iqtisadiy qısmını imzaladı, siyasiy qısmı daa mart ayında imzalanılğan edi.

XS
SM
MD
LG