Link açıqlığı

Saatnıñ esas haberi

«Ukrzaliznıtsâ» işğal etilgen Qırımğa qatnağan trenlerniñ sayısını eki qat qısqarttı


«Ukrzaliznıtsâ» Qırım trenleriniñ sayısını 50%-ğa qadar eksiltti.

Bunı müessiseniñ baş müdiri Boris Ostapük bildirdi, dep haber ete şirketniñ matbuat hızmeti.

Endiden soñ er kün Qırımğa Ukraina, Rusiye ve Aqrusiye trenleriniñ 30 çifti qaytnaycaq.

Qırım.Aqiqat bildirgenine köre, qıtaiy Ukraina ve Qırım Muhtar Cumhuriyeti arasında qatnağan tren biletleriniñ fiyatı deñişmey qaldı.

Evel olğanı kibi yol parası deñişmedi, dep aytıla «Ukrzaliznıtsâ» müessisesiniñ matbuat hızmeti bergen beyanatında.

OAO «Federal yolcu şirketiniñ» malümatına köre, paalı fiyatlardan bilet alğan yolcular aynı stantsiyalarnıñ kassalarında parasını ala bileler.

«Ukrzaliznıtsâ» iyün 16-dan 30-na qadar Qırım Muhtar Cumhuriyetinden ve keri qatnağan tren biletlerini 2014 senesi iyün 12-de satıp başlaycaqlar.

«Ukrzaliznıtsâ» müessisesi bergen malümatlarğa köre, fiyatlar deñişmedi ve Rusiye tarafından bunıñnen bağlı bir de bir resmiy malümat olmadı.

Qırım demir yollarınıñ malümat hızmetinde bildirgenlerine köre ise, biletler fiyatı kerçekten arttı.

«Bugünden başlap Aqmescitten Kiyevge platskart yeri – 2330 ruble, kupe – 3370 ruble tura. Bu al Rusiye elektron tertibatı qoyulması ile bağlı, o avtomatik şekilde böyle fiyatlarnı belgiley», – dep bildireler mında.

Qırım.Aqiqat işğal etilgen Keriçte demir yol biletleriniñ fiyatı eski fiyattan satılğanını bildirgen ediler.

İyün 11-de saba Keriç demir yol kassasınıñ hadimi «Aqmescit-Kiyev» biletiniñ ukrain nümünesini sattı. Küpe vagonında eki yer fiyatı 2004 ruble 41 kapikni teşkil etti.
XS
SM
MD
LG