Link açıqlığı

Qırımdan köçkenler Yuqarı Şura yanında köçebelerniñ aqlarını qorçalağan qanunlarnı qabul etmesini talap etecekler


İyünıñ 6-da Cuma künü Qırımdan, Donetskten ve Lugansktan mecburiy köçkenler Yuqarı Şura aldında narazılıq aktsıyasını keçirmege niyetteler. Olar mecburiy köçkenlerniñ aqlarını qorçalağan qanunlarnı qabul etmesini talap eteler.

Bu aqta Kiyevde olğan matbuat konferentsıyada Qırım temsilcisi, «Mecburiy köçkenleriniñ birligi» teşkilâtnıñ reisi Nikolay Podolâka bildirdi.

«Yarın er kesni Ukrainanıñ Yuqarı Şurasına kelmege davet etem. Olar bizni qorçalağan qanunlarnı qabul etmek kerekler. Bizni resmiy olaraq qaçaq ya da köçüp kelgenler olaraq belgilemese, devlet bizlerge bir kapik para ayırmaz», - dey Podolâka.

Onıñ malümatına köre, faaller Ukrain parlamenti yanında saat 10-da toplaşacaqlar.

Ondan evel Podolâka halqara gumanitar teşkilâtlarğa mecburiy köçkenleri içün gumanitar missiyanı açmalarını istedi. Aytqanına köre, bu adamlarğa «yaşamaq, yuqlamaq yer yoq, tedaviylenmek içün ilâç yoq».
XS
SM
MD
LG