Varşava – İyün 3 künü Varşavağa AQŞ-nıñ prezidenti Barak Obama teşrif buyuracaq. Poloniyağa ziyareti devamında köterilecek esas mevzu Ukrainanen bağlı olacaq. Çarşenbe künü AQŞ-nıñ prezidenti yañı saylanğan prezident Pötr Poroşenko ile körüşecek. Bundan da ğayrı, Obama avropalı memleketlerniñ yolbaşçılarınen olacaq subetlerde iştirak etecek. Bunen beraber, Obama Poloniyadaki demokratik deñişmelerniñ 25 yıllıq munasebeti ile tantanalı tedbirlerge qatnaşacaq.
Varşavağa kelgeninen, Barak Obama aerodromda birinci körüşüvni keçirecek. O, Poloniya üzerindeki kökni qoruğan F-16 qırıcı –uçaqlarnıñ poloniyalı ve amerikalı uçıcılarınen laqırdı etecek. Poloniyanıñ matbuat vastaları bergen izaatlarına binaen, bu şekilde Obama Merkeziy-Şarqiy Avropanıñ hafsızlığına bergen emiyetine diqqat çekmege istey.
Bundan soñra, Obama Poloniya prezidenti Bronislav Komorovskiyniñ sarayına yol alacaq. Poloniya ve Amerika prezidentleri bir saatten ziyade közme-köz laqırdı etecekler. Ekspertlerniñ tahminlerine köre, Poloniya üzerindeki Amerikanıñ raketalarğa qarşı zırhnıñ qurucılığı, NATO askerleri sayısınıñ arttıruvı, Ukraina vaqiaları etrafında söz yürütilecek. Bu kibi meselelerni, Obama Poloniya baş naziri Donald Tusk, Estoniya, Bulğaristan, Macaristan, Hırvatistan prezidentleri ile muzakere etecek.
Prezident Bronislav Komorovskiyniñ mesleatçısı Tomaş Nalenç bildirgenine köre, Varşavadaki tedbirler – 25 yıl evelsi poloniyalılarnıñ serbestlike ıntıluvlarını desteklegen adamlarnıñ şanına yapıla.
«Bugünde bugün biz serbestlikke ıntılğan ve devletniñ bütünligini qorçalağan er kimge destek kösterecekmiz», – dedi Tomaş Nalenç.
Tedbirlerde Qırım – Ukrainanıñ toprağı olğanını hatırlatacaqlar
Aqşam amerikalı prezident Leh Valensa adına Birdemlik Premiyasınıñ teslim etilüvi tedbirinde iştirak etecek. Birinci kere berilecek bu mukâfatqa qırımtatarlar yetekçisi Mustafa Cemilev nail oldı. Poloniyalı ekspertler qayd etkenleri kibi, bu tantanalı merasim – bütün ğarbiy dünyası qırımtatarlar ve ukrain devletine qol tutqanını köstere. Bu kibi fikirni Poloniyanıñ halqara birdemlik Fondunıñ reberi Kşiştof Stanovskiy bildirdi.
«Birdemlik Premiyasınıñ ya da biz aytqan Nobel premiyasını Mustafa Cemilevge bermek qararımız, Poloniya Qırımnı Ukraina topraqları olaraq tanığanını isbatlay. Bundan daa tasdiqlayıcı areket olurmı. Bunıñnen biz, qırımtatarlarğa qol tutqanımıznı köstermege istedik», – qayd etti Stanovskiy.
Varaşavadaki tanatanalı tedbirlerde yañı saylanğan Ukraina prezidenti Pötr Poroşenko da iştirak etecek. Salı künü aqşam, o poloniyalı meslekdeşi Bronislav Komorovskiynen ayırıca körüşecek. Sabasına ise, Barak Obamanen subetleşecek.
Varşavadan soñ, Obama, daa yaqında 8 devletten ibaret olğan, Qırım işğalinden soñ ise, Rusiyeniñ azalığı toqtatılğan Büyük 7 devletniñ sammitine yol alacaq.
Azatlıq Radіosı
Varşavağa kelgeninen, Barak Obama aerodromda birinci körüşüvni keçirecek. O, Poloniya üzerindeki kökni qoruğan F-16 qırıcı –uçaqlarnıñ poloniyalı ve amerikalı uçıcılarınen laqırdı etecek. Poloniyanıñ matbuat vastaları bergen izaatlarına binaen, bu şekilde Obama Merkeziy-Şarqiy Avropanıñ hafsızlığına bergen emiyetine diqqat çekmege istey.
Bundan soñra, Obama Poloniya prezidenti Bronislav Komorovskiyniñ sarayına yol alacaq. Poloniya ve Amerika prezidentleri bir saatten ziyade közme-köz laqırdı etecekler. Ekspertlerniñ tahminlerine köre, Poloniya üzerindeki Amerikanıñ raketalarğa qarşı zırhnıñ qurucılığı, NATO askerleri sayısınıñ arttıruvı, Ukraina vaqiaları etrafında söz yürütilecek. Bu kibi meselelerni, Obama Poloniya baş naziri Donald Tusk, Estoniya, Bulğaristan, Macaristan, Hırvatistan prezidentleri ile muzakere etecek.
Prezident Bronislav Komorovskiyniñ mesleatçısı Tomaş Nalenç bildirgenine köre, Varşavadaki tedbirler – 25 yıl evelsi poloniyalılarnıñ serbestlike ıntıluvlarını desteklegen adamlarnıñ şanına yapıla.
«Bugünde bugün biz serbestlikke ıntılğan ve devletniñ bütünligini qorçalağan er kimge destek kösterecekmiz», – dedi Tomaş Nalenç.
Tedbirlerde Qırım – Ukrainanıñ toprağı olğanını hatırlatacaqlar
Aqşam amerikalı prezident Leh Valensa adına Birdemlik Premiyasınıñ teslim etilüvi tedbirinde iştirak etecek. Birinci kere berilecek bu mukâfatqa qırımtatarlar yetekçisi Mustafa Cemilev nail oldı. Poloniyalı ekspertler qayd etkenleri kibi, bu tantanalı merasim – bütün ğarbiy dünyası qırımtatarlar ve ukrain devletine qol tutqanını köstere. Bu kibi fikirni Poloniyanıñ halqara birdemlik Fondunıñ reberi Kşiştof Stanovskiy bildirdi.
«Birdemlik Premiyasınıñ ya da biz aytqan Nobel premiyasını Mustafa Cemilevge bermek qararımız, Poloniya Qırımnı Ukraina topraqları olaraq tanığanını isbatlay. Bundan daa tasdiqlayıcı areket olurmı. Bunıñnen biz, qırımtatarlarğa qol tutqanımıznı köstermege istedik», – qayd etti Stanovskiy.
Varaşavadaki tanatanalı tedbirlerde yañı saylanğan Ukraina prezidenti Pötr Poroşenko da iştirak etecek. Salı künü aqşam, o poloniyalı meslekdeşi Bronislav Komorovskiynen ayırıca körüşecek. Sabasına ise, Barak Obamanen subetleşecek.
Varşavadan soñ, Obama, daa yaqında 8 devletten ibaret olğan, Qırım işğalinden soñ ise, Rusiyeniñ azalığı toqtatılğan Büyük 7 devletniñ sammitine yol alacaq.
Azatlıq Radіosı
