Link açıqlığı

Ukraina musulmanları prezident saylavlarına barmağa çağıralar


«Alraid» cemat teşkilâtlarınıñ bütünukraina birligi ve «Umma» Ukraina musulmanları diniy idaresi mayıs 25 künü prezident saylavlarına barıp, «doğru saylav»nı etmege çağıra.

Bunı teşkilâtlarnıñ matbuat hızmetleri bildire.

«Memleket dostane munasebette qırımtatarlarnıñ sürgünliginiñ 70 yıllığını qayd etti. Şimdi birligimizni pekitmek içün daa bir fırsat bar. Memleketimizniñ taqdirine lâqayt qalmamalımız. Qomşu memleketlerimizde dindaşlarımız rastketirgen problemlerni bilmegen memleketimizniñ taqdiri aqqında aytamız», – denile beyanatta.

«Biz muzafer milleti olmalımız – olduqça birleşken, faal, «yuqarıdan» bereketni beklemeyip, onı öz qollarımız ile qurmağa ve saylağan siyasetçilerden esabatnı talap etken millet olmaq kerekmiz», – dep aytalar teşkilâtlarda.


Evelleri Amnesty International teşkilâtı qırımtatarlarnı işğal etilgen yarımadada belgisiz kelecek beklegenini qayd etti.

«Qırım akimiyeti tarafından qırımtatarlarnıñ aqlarınıñ qoruvı aqqında işandıruvlarına baqmadan, Ruseiniñ mart ayında yarımadanıñ işğalinden soñra qırımtatar cemiyeti ilerilegen zulum ve ayırım ile rastkele», – dedi Avropa ve Orta Asiya boyunca Amnesty International programmasınıñ müdiri Jon Dalhuzen.

Onıñ sözlerine köre, Rusiye akimiyeti qırımtatarlarğa nisbeten etilgen vahşiy basqınlarğa alâqası olğan silâlı taqımlarğa Qırımda serbest faal etmege ruhset bergen eken.

«Olar qırımtatarlarnıñ liderlerini taqip ete, yuqarı temsiliy organını dağıtacaq olalar, toplaşuv ve belgilev aqlarını sıñırlaylar», – dedi Dalhuzen.
XS
SM
MD
LG