Link açıqlığı

Qırım «akimiyeti» Qırımdaki Ukraina Milliy banknıñ parasını emanetçilerge tazmin içün qullanacaq ola


Qırım «nazirler şurası» Rusiyedeki maliye nazirliginen ve Rusiye Merkeziy bankı ile Qırımdaki Ukraina Milliy banknıñ bölügünde olğan paralarnı 700 biñ rubleden çoq olğan tazminler içün qullanmaq meselesinde muzakereler kete.

Böyle teklifni bügün «parlament» toplaşuvında Rustam Temirgaliyev bildirdi, ayta KİA.

«Bügün ögümizge olğan eñ esas problemlerinden birisi 700 biñ rubleden çoq olğan emanetlerini bank muşterelerine nasıl etip qaytarmalı? Bu tahminen 20 biñ dollardır. Bizde Maliye nazirligi ve Rusiyedeki merkeziy bank ile muzakereler kete. Qrımdaki Ukraina Milliy banknıñ bölügünde qalğan 3,8 milliard griavnanı mahsus fond yaratıp bu tazminler içün qullanmağa isteymiz», – dedi o.

Onıñ sözlerine köre, qarar daa alınmadı, lâkin Mayısnıñ 26-na qadar «ükümet» bu meseleni çezmek içün uquqıiy bir yol tapacağında işandırdı.

Ukraina Milliy banknıñ malümatına köre, Mayıs 8-de 2014 senesi bir guppa silâlı adamlar Qırımdaki bölügine kirip, mahkeme qararına esaslanıp onı blok ettiler. Blok etilgen paralarnıñ miqdarı 4,6 milliard grivnadır, olarnıñ arasında 3,9 milliard giravna naqıt parasıdır.

Mayısnıñ 20-ne qadar «Emanetçilerniñ qoruması fondı»Qırımdan endi çalışmağan ukrain banklarınıñ muşterelerinden paralarını qaytarmaq içün 100,4 ariza qabul etip endi 600 million ruble paranı qaytardı.
XS
SM
MD
LG