Link açıqlığı

Saatnıñ esas haberi

Yüzlernen qırımtatarlar Ukraina prezidentı saylâvlarında iştirak etmeke niyetindeler


Yüzlernen qırımtatarlar Ukrainada qayd etilip Prezident saylâvlarında iştirak etmege niyetindeler.

Bu aqta QHA bildire.

Milliy Meclis azası Eskender Bariyev bildirgenine köre, şimdi adamlarnı saylâvlarğa alıp barmaq meselesi baqıla. O, eger qayd etilme protsedura olmasa, Qırımdan saylâvlarda iştirak etken insanlarnıñ miqdarı daa qat-qat artacağını qayd etti.

«Bügünki qanunlarğa köre, Mayısnıñ 19-da saylavlarda iştirak etmek içün qayd etilmesiniñ soñki künüdir. Qayd olmaq içün qıtadaki Ukrainağa çıqmaq kerek edi. Men bilgenime köre, saylâvlarda iştirak etecek adamlar pek çoq edi, lâkin qayd etilmek maddesine baqsaq, bu Qırım sakinleri içün paalığa tüşe. Qırımda iqtisadiy vaziyet onsız da ağır», – dedi Bariyev.

Meclis azası çoqusı qayd etilmeyip baracağını tahmin ete.

«Menim firkirimce, bu oğursızlıqlarnı biz saylâvlarnıñ ekinci turında doğurlatarıq. Biz MSKğa, Yuqarı Şurağa bu protseduranı sadeleştirmesi içün mektüpler yazğan edik, lâkin bir cevap almadıq. Bu sebepten saylâvlarda iştirak etecek qırımtatarlarnıñ sayısı eksilecek», – dep bildirdi Eskender Bariyev.

Ondan da ğayrı o saylâvlarda iştirak etmege istegenlerini Qırımdan çıqarmacaqlarından saqına. Bu rus akimiyet içün bir sınav olacaqtır.

«Dünyanıñ medeniyetli devletinde çetel grajdanlarğa öz Prezidentnı saylâmağa yasaq etmezler. Eger bir de bir ağırlıqlar olsa, bu eñ evelâ Qırımda öz akimiyetini yayğan Rusiyege menfiy neticeleri olur», – dep yekünleri Eksneder Bariyev.

Ukrainanıñ resmiy malümatlarına köre, Qırım sakinleriniñ arasından Ukrainadaki prezident saylâvlarında 6 biñ kişiden ziyade iştirak etecek.
XS
SM
MD
LG