Qırımnıñ öz başına ilân etilgen baş naziri Sergey Aksönov Qırımdaki kadrlar siyaseti milliy kvotalar berilmesine köre degil de, yararlıq printsiplerine esaslanacaq, dep bildire RİA Novosti.
«Qırımtatarlar ve diger millet vekilleriniñ akimiyet organlarında bulunması zenaatnen bağlı olacaq. Qırımtatarlarnıñ temsil organları – Qurultay ve Meclis – Qırım akimiyetinen işbirlik tutsa ve resmiy şekilde qayd etilse, qanunlaştırılacaqlar», – dep tekrarlay Aksönovnıñ aytqanlarını onıñ matbuat hızmeti.
O, cumhuriyette millet mensüpligi boyunca diskriminatsiya bar olğanını red etti.
Aksönovnıñ fikirince, Mustafa Cemilevniñ kiriş yasağı «Cemilevniñ milletlerara zıddiyet olmasına yönelgen şahsiy areketleri, kendi halqınıñ ayrı vekillerini qanunnı bozmağa qozğalatuvı ve Cemilev tarafından Rusiye qanunlarınıñ bozuvınen» bağlı.
Mayıs 18 sürgünlik qurbanlarınıñ hatıra künü arfesinde Qırım «akimiyeti» iyün 6-na qadar Qırımda mitingler keçirilmesini yasaq etti. Qırımtatarlar sürgünlikniñ 70 yıllığına bağışlanğan 10 biñlik matem mitingini Aqmescitteki Aq-Meçet qasabasında keçirdiler.
Tedbirde rezolütsiya qabul etildi. Vesiqağa binaen, qırımtatarlar öz başına ilân etilgen Qırım Cumhuriyetine milliy-territorial muhtariyeti statusınıñ berilmesini talap eteler.
Matem tedbirleri OMON nezareti altında ve avada arbiy vertolötlar uçuşlarınen keçirildi.
«Qırımtatarlar ve diger millet vekilleriniñ akimiyet organlarında bulunması zenaatnen bağlı olacaq. Qırımtatarlarnıñ temsil organları – Qurultay ve Meclis – Qırım akimiyetinen işbirlik tutsa ve resmiy şekilde qayd etilse, qanunlaştırılacaqlar», – dep tekrarlay Aksönovnıñ aytqanlarını onıñ matbuat hızmeti.
O, cumhuriyette millet mensüpligi boyunca diskriminatsiya bar olğanını red etti.
Aksönovnıñ fikirince, Mustafa Cemilevniñ kiriş yasağı «Cemilevniñ milletlerara zıddiyet olmasına yönelgen şahsiy areketleri, kendi halqınıñ ayrı vekillerini qanunnı bozmağa qozğalatuvı ve Cemilev tarafından Rusiye qanunlarınıñ bozuvınen» bağlı.
Mayıs 18 sürgünlik qurbanlarınıñ hatıra künü arfesinde Qırım «akimiyeti» iyün 6-na qadar Qırımda mitingler keçirilmesini yasaq etti. Qırımtatarlar sürgünlikniñ 70 yıllığına bağışlanğan 10 biñlik matem mitingini Aqmescitteki Aq-Meçet qasabasında keçirdiler.
Tedbirde rezolütsiya qabul etildi. Vesiqağa binaen, qırımtatarlar öz başına ilân etilgen Qırım Cumhuriyetine milliy-territorial muhtariyeti statusınıñ berilmesini talap eteler.
Matem tedbirleri OMON nezareti altında ve avada arbiy vertolötlar uçuşlarınen keçirildi.
