Link açıqlığı

Qırımtatar milliy Meclis reisi Refat Çubarov Qırım «baş naziri» Sergey Aksönovnıñ Qırım toprağında iyün 6-na qadar kütleviy numayışlarnıñ keçirilmesini yasaq etken qararını teñkit etti.

Bunı o Aqmescitte keçirilgen matbuat konferentsiya devamında bildirdi, dep haber ete Qırım.Aqiqat mühbiri.

Çubarov qırımtatarlar 23 devamında mayıs 18 künü munasebeti ile matem tebdirlerniñ keçirilmesinde iç bir problemlep ile ratskelmegenini qayd etti.

«Qırımtatarlar içün mayıs 18 künü – şuurınıñ ayırılmaz parçasıdır. Biz 1944 senesi sürgünlik vaqtında coyğan insanlarımız içün olğan accılıq ile yaşaymız. 23 yıl devamında iç bir suniy problemler, qorquzuv yoq edi. Bu sene Meclis ve Qırım «akimiyeti» tedbirlerge vaqtında azırlıq körmege başladılar. Biz tedbirlerni tüşündik, bir qısmı endi olıp keçti, diger qısmı daa ötkerilecek edi», – dedi o.

Faqat bir qaç kün evelsi, onıñ aytqanı kibi, Qırım «akimiyeti» tarafından matem tedbirlerniñ ğayrıdan baqıp çıquvı başladı. Söz mayıs 17 kününe planlaştırılğan «Yüregiñde ateş yaq» ve mayıs 18 – bütünqırım matem mitingi aqqında kete.

Çubarov qayd etti ki, bu künleri Meclisniñ temsilcileri Qırım FSB vekilleri ile munasebette bulundı.

«Olarda ola bilecek tarikler sebebinden qorqu bar edi. Bizim qandırışlarımız şeriklerimizge – «akimiyet»ke tesir etmedi. Neticede Aksönovnıñ qararı peyda oldı», –dedi o.

Qırımda mayıs 18 künü keçirilecek tedbirler aqqında sualge Çubarov: «Biz Qırım akimiyeti ile mesleatlarnı keçirmege devam etecekmiz. İnsanlar bütünqırım matem mitingine kelecegine qandıralar. Eki kün qalğanda, tedbirlerniñ yasaq ola bilecegi aqlıma bile kelmey edi. Aqibetlerni tüşünmemek içün insan kim olmalı, bilmeyim. İnsanlarnı nasıl toqtatmaq, tasavur etmeyim», – degen cevabını berdi.
XS
SM
MD
LG