Anatoliy Beketov
Brüssel – Qırımda qırımtatarlarnı aqaretlemege devam etseler, Rusiyege qarşı qullanılğan sanktsiyalarnıñ sayısı artmaq mümkün. Bunı Qırım.Aqiqatqa Brüsseldeki qaynağı bildirdi. Berilgen malümatqa binaen: «Ukrainada ruslarnı aşalağanlarını uydurıp, devletni teñqid etken Rusiye, qırımtatarlarğa qarşı yapqan areketlerinen dünya cemaatçılığı ögünde yüzüni coya bile. Bu ise, sanktsiyalarnı arttırmaq içün yahşı bir sebep olıp, endi baqılmaqta».
Qırımtatarlarnıñ ekseriyeti Kiyevni destekley. Bugünki künde olarğa ayaq çalalar. Halq lideri, bütün dünyada belli uquq-qoruyıcı Mustafa cemilevni vatanğa qoymaylar, temsiliy organ Meclisni küç ile dağıtmağa qorquzalar, reberlerini ise, apske qapatacaqlarını vade eteler. Mayıs 3 künü Cemilevni yarımadanıñ sıñırnda qarşılağan teşebbüsçilerniñ ekseriyeti 10 biñ rubleden başlap, 40 biñ rublege qadar (tahminen 1000 dollar) büyük para cöremesine oğratıldılar.
Bunıñ episi öz başına tayin etilgen cumhuriyetniñ akimiyeti tarafından açıqtan-açıq ve arsız şekilde yapıla. Keçenlerde, Rusiye baş prokuraturasından cemilevni Qırımğa kirsetmekni talap etken «Yabloko» rusiyeli firqasınıñ lideri Sergey Mitrohinniñ bunıñnen bağlı öz fikirini bildirdi: «Adamlarnı dimiy sürette aşalasañız, yaramay neticege kelirsiñiz», – dep ayttı.
Meclis reisi Refat Çubarovnıñ qayd etkenine köre, bu kibi davranış Moskvanıñ qırımtatarlarğa nisbeten mevamı ya da yerlilerniñ teşebbüsimi şimdilik añlaşılmay.
Qaynaqnıqnıñ fikirince, OBSE-niñ Qırımda qırımtatarlarnıñ aqları bozulğanı aqqında maruzası, bunen beraber, Türkiye tış işler nazirliginiñ ve AQŞ-nıñ devlet kâtibi yardımcısı Viktoriya Nulandnıñ beyanatnameleri – bunıñ episi, Rusiye bu añlaşılmamazlıqlarnı tüzetmege kerek olğanını numayış ete.
Moskva nasıl yolnı seçip alacagı daa belli degil, amma şimdilik, qırımtatar marginal-siyasetçilerniñ yardımınen, «tertipke ketirilmesi kerek olğan» Meclis ve onıñ reberlerini radikal teşkilât olaraq köstermege isteyler.
Brüssel – Qırımda qırımtatarlarnı aqaretlemege devam etseler, Rusiyege qarşı qullanılğan sanktsiyalarnıñ sayısı artmaq mümkün. Bunı Qırım.Aqiqatqa Brüsseldeki qaynağı bildirdi. Berilgen malümatqa binaen: «Ukrainada ruslarnı aşalağanlarını uydurıp, devletni teñqid etken Rusiye, qırımtatarlarğa qarşı yapqan areketlerinen dünya cemaatçılığı ögünde yüzüni coya bile. Bu ise, sanktsiyalarnı arttırmaq içün yahşı bir sebep olıp, endi baqılmaqta».
Qırımtatarlarnıñ ekseriyeti Kiyevni destekley. Bugünki künde olarğa ayaq çalalar. Halq lideri, bütün dünyada belli uquq-qoruyıcı Mustafa cemilevni vatanğa qoymaylar, temsiliy organ Meclisni küç ile dağıtmağa qorquzalar, reberlerini ise, apske qapatacaqlarını vade eteler. Mayıs 3 künü Cemilevni yarımadanıñ sıñırnda qarşılağan teşebbüsçilerniñ ekseriyeti 10 biñ rubleden başlap, 40 biñ rublege qadar (tahminen 1000 dollar) büyük para cöremesine oğratıldılar.
Bunıñ episi öz başına tayin etilgen cumhuriyetniñ akimiyeti tarafından açıqtan-açıq ve arsız şekilde yapıla. Keçenlerde, Rusiye baş prokuraturasından cemilevni Qırımğa kirsetmekni talap etken «Yabloko» rusiyeli firqasınıñ lideri Sergey Mitrohinniñ bunıñnen bağlı öz fikirini bildirdi: «Adamlarnı dimiy sürette aşalasañız, yaramay neticege kelirsiñiz», – dep ayttı.
Meclis reisi Refat Çubarovnıñ qayd etkenine köre, bu kibi davranış Moskvanıñ qırımtatarlarğa nisbeten mevamı ya da yerlilerniñ teşebbüsimi şimdilik añlaşılmay.
Qaynaqnıqnıñ fikirince, OBSE-niñ Qırımda qırımtatarlarnıñ aqları bozulğanı aqqında maruzası, bunen beraber, Türkiye tış işler nazirliginiñ ve AQŞ-nıñ devlet kâtibi yardımcısı Viktoriya Nulandnıñ beyanatnameleri – bunıñ episi, Rusiye bu añlaşılmamazlıqlarnı tüzetmege kerek olğanını numayış ete.
Moskva nasıl yolnı seçip alacagı daa belli degil, amma şimdilik, qırımtatar marginal-siyasetçilerniñ yardımınen, «tertipke ketirilmesi kerek olğan» Meclis ve onıñ reberlerini radikal teşkilât olaraq köstermege isteyler.
