Link açıqlığı

Ukraina çetel işler nazirligi: Rusiye ekspertleri Qırım zaptınıñ cinayetçiligini tasdiqladılar


Çetel işler nazirligi cumaaqşamı künü Rusiye mustaqil ekspertleri ve cemaat erbapları tarafından toplanılğan delilleriniñ ögrenilgeni aqqında ilân etti. Olar «Rusiyeniñ Qırım zaptı cinayetçilik olğanınıñ nevbetteki isbatı»oldı.

Çetel işler nazirligi aprel 21 künü Rusiye prezidenti yanındaki insan aqları boyunca Şurasınıñ azası Yevgeniy Bobrov, «Memorial» uquq qorçalayıcı merkeziniñ «Migratsiya i pravo» ağınıñ yolbaşçısı Svetlana Gannuşkina ve ağnıñ adliyecisi Оlga Tseytlina tarafından azırlağan malümatqa esaslana. Keçirilgen soravlar neticesinde müellifler Qırım «referndumına» kelgen 30-50% iştirakçilerden Rusiyege qoşuluvına 50-60% qol tutqanı aqqınla aytalar. Bunıñnen beraber, vesiqada qayd olunğanı kibi, Qırım sakinleri tek Rusiyege qoşuluvı aqqında degil de, evelki rejimniñ qabarcılığınıñ toqtatılmasına da rey bergen ekenler.

«Etilgen işğal Qırım sakinleriniñ çoqusınıñ meraq ve itibarına qarşı çıqa. Demek, Qırım mıtlaqa Rusiye işğalinden azat olacaq», – eminler Çetel işler nazirliginde.

«Daa bir kerek qayd etemiz, vaqıtnca Rusiye Federatsiyası tarafından işğal etilgen Qırım Muhtar Cumhuriyeti Ukraina devletiniñ qısmı ola», – denile beyanatta.

Rusiye prezidenti yanındaki insan aqları boyunca Şurası keçken ayda «Qırım sakinleriniñ problemleri» aqqında malümatnı aşkâr etti. Mevzulardan birisi separatist akimiyeti tarafından acele sürette Rusiye qoşuluvı aqqında keçirilgen «referendumnıñ» neticeleri. Qırımda «Referendum»dan soñ kelgen 83% iştirakçilerniñ 97% Rusiye qoşuluvına qol tutqanı aqqında ilân ete ediler. Buña oşağan neticeler Aqyarda da yanğıradı. Bu aqta şübeler birden peyda olmağa başladı.

Dünyanıñ bir çoq devleti ve halqara birleşmeleri Ukraina, Qırım ve halqara qanunlarına ters kelgen bu «referendum»nı ve Ukraina qısmında keçirilgen Rusiye işğalini de tanımadı. BMT Baş assambleyasında memleket-azalarınıñ yarısından da çoqusı «referendum»nıñ qanunsız olğanına rey berdi.
XS
SM
MD
LG