Link açıqlığı

Deputatlarnıñ saylavı aqqında qanun lеyhası Qırım «parlamentinde» birinci rey berüvden keçti


Bugün, aprel 30 künü, Qırım «parlamentiniñ» nevbetten tış toplaşuvında «Qırım Cumhuriyetiniñ Devlet Şurası deputatlarınıñ saylavı aqqında» qanun leyhasını birinci oquvda qabul ettiler.

Bunı tanılmağan Qırım Cumhuriyetiniñ Devlet Şurasınıñ matbuat-hızmeti bildire.

Müddetinden evel saylavlar Qırımda sentâbr başında ötkerilecek. Qırım «spikeri» Vladimir Konstantinov añlatqanı kibi, saylavlardan soñ «parlament» 75 deputattan ibaret olacaq. Qanun leyhasında olardan 25 birmandatlı bölüklerden, 50 – cedvellerge köre saylanacaq. Faal saylav aqqı (saylamağa imkâniyet) 18 yaştan belgilene, passiv saylav aqqı (saylanmağa imkâniyet) 21 yaştan.

Onıñ aytqanı kibi, qanun Qırımnıñ saylav komissiyası tertibatınıñ teşkil olunuvını, saylavlarnıñ teşkilini ve keçirgenini, neticelerniñ sayuvı ve neticelerniñ belgilev nizamını idare ete.

Nevbetteki saylavlar Qırım «parlamenti» tarafından saylavlarğa eñ çoq 100 ve eñ az 90 kün qalğanda ilân etile. Müddetinden evel saylavlarnıñ belgilenüvini Saylav komissiya qayd ete bile.

«Rusiye Federatsiyasınıñ vatandaşları Devlet Şurasınıñ deputları vazifesine em öz başına, em namzetlerniñ cumhuriyet cedveli terkibinde namzet kostere bile», – dedi Konstantvinov.

Namzetlerniñ bivasta kösterüvi em öz başına, em de saylav birleşmesi vastası ile ola bile.Namzetlerniñ cumhuriyet cedvelinde kösterüvi saylav birleşmesi ile ola bilir. Namzetlerniñ kösterüvi deputatlarnıñ saylav aqqında ilânnıñ resmiy olaraq aşkâr olğanından soñ 30 künden keç olmamaq kerek.

«Qanun leyhasında qırımlılar içün yañılıqlar çoqtır. Amma olarnıñ episi federal saylav qanunına uyğundır. Misal içün, 35 madde em öz başına namzet köstergenlerge, em saylayıcı imzalarınıñ toplanması ile namzetlerniñ cedvelinden ketkenlerge qol tuta. Bunıñnen beraber, Delvet Dumasınıñ soñki saylavlarnıñ neticesinde deputat mandatlarınıñ tarqatılmasına oğrağan ya da 3% az rey alğan namzet ve siyasiy firqalar içün böyle destek kerek degildir», – dep añlattı Konstantinov.
XS
SM
MD
LG